OINARRIZKO ELEKTRONIKA LABORATEGIA IAutorea:Federico Recart Barañano, María José Sáenz Novales eta José Rubén Gutiérrez Serrano ISBN:84-8373-488-5 Egileak:Federico Recart Barañano, María José Sáenz Novales eta José Rubén Gutiérrez Serrano Bilboko Ingeniaritza Eskolako Elektronika eta Telekomunikazioak Saileko irakasleak dira (http://det.bi.ehu.es) eta beren ikerkuntza-lanak Teknologia Mikroelektronikoaren Institutuan (http://tim.ehu.es) garatzen dituzte. Helburuak:Material hau, Telekomunikazio Ingeniaritza Titulazioan enborrezkoa den Oinarrizko Elektronika Laborategia I (OEL I) irakasgaian erabiltzen da. Ikasleak laborategiarekin duen lehenengo harremana izaten denez, irakasgaiaren helburu nagusia Elektronika laborategietan oinarrizkoak diren osagaiak, sorgailuak eta neurgailuak ezagutzea da. Norentzat izan daiteke baliagarria:Testuak, Ingeniaritza Eskolako Lehenengo Ikasturteko ikasleentzat bereziki prestatu badira ere, lantzen diren kontzeptuak oinarrizkoak direnez, baliagarriak gerta daitezke, oro har, Elektronikan lehenengo urratsak egiten ari direnentzat -edota hauei irakatsi behar dietenentzat. Edukia eta egitura:Nahiz eta irakasgaia, gehienbat, praktikoa izan, laborategiko lanari ekin baino lehen, gutxieneko kontzeptu teoriko batzuk jakin behar dira. Gutxieneko hauek materialaren lehenengo lau ataletan biltzen dira, zeinetan oinarrizko kontzeptuak, osagai pasiboak (erresistentziak, kondentsadoreak eta harilak), eta neurgailu nagusiak -polimetroa eta osziloskopioa- ikasten baitira. Jarraian datozen eranskinetan, aurreko kontzeptuei buruzko beste xehetasun -aurreratu- batzuk azaltzen dira. Hurrengo bi ataletan, kurtsoan zehar egin ohi diren ariketak eta aurreko
ikasturteetako teoriako azterketak biltzen dira, emaitza eta guzti. Lotura interesgarriakOsagai eta neurgailu fabrikatzaileen web-orri batzuk: |