NORTASUNAREN PSIKOLOGIAKO PRAKTIKAK

Autorea:

Mikel Haranburu Oiharbide eta Jesús Guerra Plaza

ISBN:

978-84-692-0985-1

Egileak

Mikel Haranburu Oiharbide, EHUko Psikologia Fakultateko Nortasun, Ebaluazio eta Tratamendu Psikologikoak Saileko irakasle agregatua da (mikel.haranburu@ehu.es Tel. 943015659). Jesús Guerra Plaza, EHUko Psikologia Fakultateko Nortasun, Ebaluazio eta Tratamendu Psikologikoak Saileko irakasle titularra da (jesús.guerra@ehu.es Tel. 943018343).

Helburuak

Testu honen helburuak honako hauek dira: 1)Nortasuna aztertzeko ikuspegi ezberdinak ezagutu; 2) Nortasunaren sorrera, garapena, integrazioa eta desintegrazioa ezagutu; 3) Nortasunaren egitura deskribatzen jakin hainbat ikuspegitatik (ikuspegi kognitibista, ikuspegi fenomenologikoa, ikuspegi faktorialista, ikuspegi psikodinamikoa...); 4) Nortasunaren nahasteak deskribatzen jakin.

Norentzat da baliagarria

Psikologia eta Psikopedagogiako ikasleei zuzendua dago bereziki, baina giza-zientzien arloko ikasle ororentzat ere baliagarria da.

Edukia eta egitura

  1. Nortasunaren teoria inplizituak eta kontzeptua aztertuz hasten dira praktikak. Tipologiak eta tenperamentua aztertu ondoren, nortasunaren ikerketen ikuspegiak sakontzen dira. Nortasunaren teorien ereduak aztertu eta gero, nortasunaren garapena ikertzen da.
  2. Norberaren kontzeptuan zentraturiko teoria moduan Allporten nortasunaren teoria aztertzen da. Teoria kognitibisten artean, berriz, Kellyren konstruktu pertsonalen teoria aztertzen da. Nortasunaren azterketa fenomenologiko-humanista gisa Rogersen self-aren teoria aurkezten da. Teoria horiei guztiei buruzko praktikak proposatzen dira.
  3. Nortasunaren teoria faktorialisten artean Rotterren kontrol lekunearen teoria, Eysencken nortasunaren teoria dimentsionala, Cattellen nortasunaren bereizgarrien teoria eta Bost Faktore Nagusien teoria aztertzen dira. Teoria bakoitzari buruzko praktikak proposatzen dira.
  4. Nortasunaren teoria psikodinamikoen artean Sigmund Freud eta Carl Gustav Jungen teoriak aztertzen dira, eta teoria horiei buruzko praktikak proposatzen dir
    5. a.
  5. Estilo kognitiboei eta Nortasunaren nahasteei atal berezi bana eskaintzen zaie, eta hainbat ariketa praktiko proposatzen dira.
  6. Gai osagarri moduan honako hauek eskaintzen dira: Portaeraren psikologiaren ikuspegia, Banduraren ikaskuntza sozialaren teoria eta Giza portaeraren ekologia soziala

Erreferentziak

Testuan zehar aipatzen diren idazlanen erreferentziekin amaitzen da testua.